15 сакавіка ў школе прайшло ўрачыстае мерапрыемства, прысвечанае Дню Канстытуцыі Рэспублікі Беларусь.
І абавязак наш і права
Ў дакуменце тым жывуць:
Закон адзіны для дзяржавы.
Што Канстытуцыяй завуць.
Канстытуцыя РБ гарантуе кожнаму грамадзяніну свабоды і права, неабходныя для паўнацэннага і паўнапраўнага жыцця ў краіне.
Плывуць вячыстыя аблокі,
Дыміцца свежая ралля.
Мой шлях памысны і высокі
Бо ў родным краі гэты шлях!
Маладым грамадзянам Беларусі разам з пашпартам уручылі ў падарунак кнігу «Я – Грамадзянін Рэспублікі Беларусь», у якой знаходзіцца ўся інфармацыя пра нашу краіну. Інфармацыя патрэбная і важная. А ўручылі пашпарты і кнігі дырэктар школы Бізук Марына Міхайлаўна і заслужаны юрыст Рэспублікі Беларусь, былы намеснік старшыні Канстытуцыйнага Суда Рэспублікі Беларусь, адзін з аўтараў напісання Канстытуцыі Рэспублікі Беларусь 1994 года Фадзееў Валерый Аляксеевіч.
